முதலமைச்சர் விஜய் தலைமையில் ஐஏஎஸ், ஐபிஎஸ் அதிகாரிகள் மாநாடு தொடக்கம்

சென்னை: முதலமைச்சர் விஜய் தலைமையில் மாநிலத்தின் ஐஏஎஸ் மற்றும் ஐபிஎஸ் உயரதிகாரிகள் பங்கேற்கும் இருநாள் மாநாடு இன்று தொடங்கியது.

இந்த மாநாட்டில் மாநிலத்தின் சட்டம்-ஒழுங்கு நிலை, பெண்கள் மற்றும் குழந்தைகள் பாதுகாப்பு, பொதுமக்கள் பாதுகாப்பு நடவடிக்கைகள் உள்ளிட்ட முக்கிய அம்சங்கள் குறித்து விரிவாக ஆலோசிக்கப்பட உள்ளது.

மேலும், மாவட்ட நிர்வாகங்களின் செயல்திறன், அரசின் நலத்திட்டங்களின் முன்னேற்றம், திட்ட அமலாக்கத்தில் உள்ள சவால்கள் மற்றும் எதிர்கால செயல்திட்டங்கள் குறித்தும் விவாதிக்கப்படலாம் என தகவல்கள் தெரிவிக்கின்றன.

இரண்டு நாட்கள் நடைபெறும் இந்த மாநாட்டில், பல்வேறு துறைகளின் மூத்த அதிகாரிகள் கலந்து கொண்டு, நிர்வாகத்தை மேலும் திறம்பட செயல்படுத்துவதற்கான ஆலோசனைகள் மற்றும் வழிகாட்டுதல்களை பகிர்ந்து கொள்ள உள்ளனர்.